رتابة تشتت أفكاري

كل شئ بالنسبة لي ..عادي

الالوان فقدت بريقها

حتى حلاوة العسل مالها طعم

كني وردة فقدت رحيقها

كل شي صار مجرد اي شي

بالله وين القى حلاوة مثل ريقها؟

ياترى وين السر؟

حتى الحروف ملت الحبر

اكيد السر ماهو فيني

السر بارتباط روحك باشعاري..

.

ينتهي النهار وياخذني النوم

ينهد الحيل من كثر الهموم

وسادتي احتضنها

وتحتضن هي دموعي وتلملمها

وبعز صمت الجفون يرتعش هدبها

مادريت انه طيفك رعشها

زرتيني بهيئتك

بجمالك

بحنانك

بابتسامتك

بكل خصالك اللي بالواقع

ماهي فيك!!

لمستك ولمستيني

واحلى مابالحلم

لحظة ادفع ثمنها سنيني

بلحظة لما بستي شفاهي

وتعطر من شفاهك جبيني

كل شي فيك كان غير

وفجأة اختفيتي

وأخذتي تنهيدتي واقفيتي

وصحيت اتحسر

وارجع لوسادتي اعتصر

وطلعت الشمس

ورجعت الرتابة لنهاري..

.

من جديد

ارجع استعرض حلمي

واضحك على بلاهة وهمي

وفجاة اسمع صوتك!!

معقول؟!!

أيه هذا صوتك يسألني عن اخباري

وارد عليك بضحكة هسترة

فيها مشاعر فرح ممرمرة

نسيت الزعل

ونسيت انك بيوم قتلتي الامل

نسيت جروحي

وماتذكرت الا انك مثل العسل

وهذا يشفي ويكفي

وش رجعك ؟

اكيد ماهو حب

ولوانه موجود عندي

ماهو بكيفي والله مغصوب عليه غصب!!

رجعك الشوق؟

مااعتقد !!

ولوانه واجد عندي

ماهو بكيفي الشوق نار وانا الحطب!!

رجعك الغلا؟

يمكن!!.. مااظلمك !!

ولو انه كثير لك عندي

ماهو بكيفي الغلا رهنته لك بنبض القلب!!

رجعك شي تاخذيه؟!!

سلامتك ..ماظل شي تركتيه

صرتي تسكنيني

وبطيفك تملكيني

الواقع والخيال

وشعوري بالرقة والجمال

واحساسي بكل انثى

كل المشاعر لك قدمتها ايديني

صرتي رفيقة الحلم

وحبيبة القلم

كل شي اخذتيه حتى طعم الألم

بالله وش رجعك

على دياري؟؟!!

...........

أيمن الرفايعة

10/3/2008